గోవా తీరంలో పడవ బోల్తా పడి పెద్ద ప్రమాదం జరిగిందా? వాస్తవ పరిశీలన

వాదన/Claim: బోల్తా పడిన పడవ, భారతదేశంలోని గోవా తీరంలో జరిగిన ప్రమాదమనేది వాదన.

నిర్ధారణ/Conclusion: తప్పుగా చూపించే ప్రయత్నం. వీడియోలోని పడవ భారతదేశంలోని గోవాలో కాకుండా ఆఫ్రికాలోని గోమాలో బోల్తాపడి పెద్దప్రమాదం జరిగింది.

రేటింగ్/Rating:తప్పుగా చూపించే ప్రయత్నం —

వాస్తవ పరిశీలన పూర్తి వివరాలను వీడియోలో చూడటానికి కింది చిత్రంపై క్లిక్ చేయండి..

లేదా దిగువ కథనాన్ని చదవండి.

************************************************************************

‘గోవా’లో ఓవర్‌లోడెడ్ స్ట్రీమర్ బోట్ బోల్తా పడి చాలా మంది చనిపోయినట్లు, ఇంకా చాలా మంది గల్లంతయ్యారంటూ పేర్కొంటున్న వీడియోను పలువురు సోషల్ మీడియా యూజర్లు షేర్ చేశారు. సోషల్ మీడియాలో షేర్ చేసిన కొన్ని పోస్టులను చూడండి:

Terrible Boat accident in Goa.
The overloaded boat capsized,many missing,many rescued & many bodies recovered.
Who takes the responsibility?
This is an accident which could have been prevented had the authorities taken their job seriously.
Terminate all responsible officials. pic.twitter.com/HFGuzZj0iD

— JJohnnymeitei (@JohnnyMeetei) October 5, 2024

Goa accident today 23 bodies recovered 40 people rescued and 64 missing . Greed of the boat owner in overloading, over confidence of travellers too. Very sad, tragic. pic.twitter.com/nVW5OMCvgY

— Bishan Maheshwari (@bishanm3342) October 5, 2024

వాస్తవ పరిశీలన వివరాలు:

DigitEye India బృందం వీడియో యొక్క కొన్ని కీఫ్రేమ్‌లను తీసుకొని గూగుల్ రివర్స్ ఇమేజ్ సెర్చ్‌లో పరిశీలించినప్పుడు, ఈ విషాద సంఘటన భారతదేశంలో జరగలేదని కనుగొనబడింది, అయితే ఈ ప్రయాణీకుల పడవ డెమొక్రాటిక్ రిపబ్లిక్ ఆఫ్ కాంగో, ఆఫ్రికాలోని కివు సరస్సు నీటిలో ప్రయాణించడం గమనించాము.

సోషల్ మీడియా పోస్ట్‌లలో పేర్కొన్నట్లుగా ఓవర్‌లోడ్ అయిన పడవ సౌత్ కివులోని మినోవా పట్టణం నుండి గోమాకు ప్రయాణిస్తోంది, భారతదేశంలోని గోవా పట్టణానికి కాదు.  స్థానిక వార్తా నివేదికల ప్రకారం, విషాదకరమైన పడవ ప్రమాదంలో కనీసం 78 మంది మరణించారు, మరియు ఇంకా చాలా మంది గల్లంతయ్యారు.

కాంగోలోని కిటుకు ఓడరేవు నుండి ఒక కిలోమీటరు కంటే తక్కువ దూరంలో ఉన్నప్పటికీ, ఓడరేవుకు చేరుకునేలోపే, అధిక బరువు మరియు అధిక వేగవంతమైన నీటి ప్రవాహాలను తట్టుకోలేక పడవ మునిగిపోయిందనే వివరాలను తెలియజేస్తూ  NewsOnAir వార్త నివేదికను భారతదేశంలో ప్రసారం చేసింది. ఆ పడవ కేవలం 80-90 మంది మాత్రమే ప్రయాణించేలా నిర్మించబడిందని, అయితే 278 మంది ఓవర్‌లోడ్‌తో పడవ మునిగిపోయిందని నివేదికలు వెల్లడించాయి.

 

 

A boat capsizes in Lake Kivu, Democratic Republic of Congo, as it sailed from Minova to Goma. pic.twitter.com/7kdupvRhwN

— Cyprian, Is Nyakundi (@C_NyaKundiH) October 3, 2024

గోవా పోలీసులు కూడా ఇదే విషయాన్ని స్పష్టం చేస్తూ సోషల్ మీడియాలో పోస్ట్ చేశారు:

Official Clarification:
A video circulating on social media claims a boat capsized near Goa’s shores. This is false. The incident occurred in Goma, Congo, Africa. Please refrain from sharing unverified news.
— Goa Police pic.twitter.com/tldVrc3bUm

— Goa Police (@Goa_Police) October 5, 2024

కాబట్టి, బోల్తా పడిన పడవ భారతదేశంలోని గోవా తీరంలో జరిగిన సంఘటనేది తప్పు.

మరి కొన్ని వాస్తవ పరిశీలన కధనాలు:

హారిస్‌కు మద్దతు తెలిపినందుకు కంట్రీ మ్యూజిక్ ‘టేలర్ స్విఫ్ట్‌’ను నిషేధించిందా? వాస్తవ పరిశీలన

సెప్టెంబరు 10న ట్రంప్‌తో ప్రెసిడెన్షియల్ డిబేట్ సమయంలో కమలా హారిస్ తన చెవిపోగుల్లో ‘ఇయర్‌పీస్’ పెట్టుకున్నారా? వాస్తవ పరిశీలన