50 ఏళ్ల తర్వాత తిరుపతి లడ్డూల కోసం నందిని నెయ్యి సరఫరాను TTD తిరస్కరించిందా? Fact Check

2 Replies

ప్రసిద్ధిచెందిన తిరుపతి లడ్డూల తయారీకి నందిని నెయ్యి సరఫరా టెండర్ను తిరుమల తిరుపతి దేవస్థానం (టిటిడి)వారు తిరస్కరించినట్లు కర్ణాటక మిల్క్ ఫెడరేషన్ అధికారి వెల్లడించడంతో సోషల్ మీడియాలో అనేక వాదనలు వచ్చాయి.

ఈ వార్త వైరల్‌గా మారింది, మరియు అనేక వార్తా సంస్థల ద్వారా కవర్ చేయబడింది. ఇదిలా ఉండగా, 2023 మేలో ఎన్నికల సందర్భంగా రాష్ట్రంలోకి అమూల్ ప్రవేశాన్ని వేలు ఎత్తి చూపిన కాంగ్రెస్ ప్రభుత్వం, KMF మరియు నందిని నెయ్యి ప్రయోజనాలను కాపాడడంలో విఫలమైందని ఆరోపిస్తూ అనేక వాదనలు సోషల్ మీడియాలో వైరల్ అయ్యాయి.

ట్విట్టర్‌లోని సందేశాలను ఇక్కడ మరియు ఇక్కడ చూడవచ్చు

FACT CHECK

ఈ సమస్య పై తీవ్ర వివాదం చెలరేగడం వలన, 50 సంవత్సరాల సరఫరా తర్వాత TTD ఎందుకు నందిని నెయ్యి సరఫరాను నిలిపివేసిందనే దానిపై వాస్తవాలను Digiteye India పరిశీలన చేసింది. టీటీడీకి నందిని నెయ్యి 50 ఏళ్లుగా నిరంతరాయంగా సరఫరా కావడం లేదని పరిశోధనలో వెల్లడైంది. 2019లోనే KMF యొక్క టెండర్ తిరస్కరించబడింది మరియు తమిళనాడు పాల బ్రాండ్ ఆవిన్‌కి ఆ కాంట్రాక్టు ఇవ్వబడింది. ప్రతి ఆరు నెలలకోసారి బిడ్డింగ్/టెండర్ జరుగుతుందని టీటీడీ అధికారులు తెలిపారు.

తిరుపతి లడ్డూలలో నందిని నెయ్యి మాయమైందన్న వార్తలపై తిరుమల తిరుపతి దేవస్థానం ఎగ్జిక్యూటివ్ ఆఫీసర్ ధర్మారెడ్డి మీడియాతో మాట్లాడుతూ, ” గత 20 ఏళ్లుగా కూడా KMF నెయ్యి సరఫరా చేస్తుందనడంలో వాస్తవం లేదన్నారు.అందువల్ల, 50 సంవత్సరాల వరకు “అంతరాయం లేకుండా” KMF సరఫరా చేస్తుందనడంలో వాస్తవం లేదు. టెండర్, వాస్తవానికి, తక్కువ బిడ్డర్‌కు వెళుతుంది, అయితే మార్చి 2023లో కర్ణాటకలో బిజెపి అధికారంలో ఉన్న సమయంలో జరిగిన తాజా టెండర్‌లో KMF పాల్గొనలేదని TTD ఎగ్జిక్యూటివ్ ఆఫీసర్ (EO) స్పష్టం చేశారు.

కాబట్టి KMF “ఇప్పుడు” కాంట్రాక్ట్ పొందలేదనే వాదన నిజం కాదు.

అంతేకాకుండా, వార్తల్లో పేర్కొన్నట్లుగా నెయ్యి సేకరణ కేవలం ఒక సరఫరాదారుకు మాత్రమే పరిమితం కాదు. భారీ మొత్తంలో నెయ్యి అవసరం కావున ఒక సరఫరాదారు సరఫరా చెయ్యడం కష్టం. నందినితో పాటు ఆవిన్ వంటి ఇతర నెయ్యి బ్రాండ్‌లు కూడా గతంలో టీటీడీకి నెయ్యి సరఫరా చేసేందుకు భారీ కాంట్రాక్టులను దక్కించుకున్న సంగతి తెలిసిందే.

కర్ణాటక ప్రభుత్వ వివరణ:

కర్నాటక ముఖ్యమంత్రి సిద్ధరామయ్య ఈ విషయంపై వెంటనే స్పందిస్తూ, తిరుమల తిరుపతి దేవస్థానంకి (టిటిడి) కర్ణాటక మిల్క్ ఫెడరేషన్ (KMF) నుండి నందిని నెయ్యి సరఫరా బిజెపి హయాంలోనే ఆగిపోయిందని అన్నారు, మరియు టిటిడికి నందిని నెయ్యి సరఫరాను నిలిపివేయడం రాష్ట్రంలోని కాంగ్రెస్ ప్రభుత్వం అనుసరిస్తున్న “హిందూ వ్యతిరేక” విధానానికి ఫలితం అని బిజెపి చేసిన ఆరోపణను కూడా ఖండించారు.

ఆంధ్రప్రదేశ్‌లోని హిందూ పుణ్యక్షేత్రమైన తిరుపతికి నందిని నెయ్యి సరఫరా నిలిపివేయడం ఈరోజు నిన్న జరిగిన విషయం కాదని సిద్ధరామయ్య సోషల్ మీడియాలో పేర్కొన్నారు. గత బీజేపీ ప్రభుత్వ హయాంలోనే నెయ్యి సరఫరా నిలిచిపోయిదని ట్వీట్ చేశారు:”ಆಂಧ್ರಪ್ರದೇಶದ ತಿರುಪತಿಗೆ ನಂದಿನಿ ತುಪ್ಪ ಪೂರೈಕೆ ಸ್ಥಗಿತಗೊಂಡಿರುವುದು ಇಂದು, ನಿನ್ನೆಯ ವಿಚಾರವಲ್ಲ. ಕಳೆದ ಒಂದೂವರೆ ವರ್ಷದ ಹಿಂದೆಯೇ @BJP4Karnataka ಸರ್ಕಾರದ ಅವಧಿಯಲ್ಲಿ ತಿರುಪತಿಗೆ ತುಪ್ಪ ಪೂರೈಕೆಯನ್ನು ಸ್ಥಗಿತಗೊಳಿಸಲಾಗಿದೆ.” [ఆంధ్రప్రదేశ్‌లోని తిరుపతికి నందిని నెయ్యి సరఫరా ఈరోజూ, నిన్నా ఆగలేదు, గత ఏడాదిన్నర క్రితం ఆగిపోయింది @BJP4Karnataka Govt.”] ఒరిజినల్ ట్వీట్ ఇక్కడ చూడండి:

ఇదే విషయాన్ని KMF అధ్యక్షుడు మరియు కాంగ్రెస్ ఎమ్మెల్యే భీమా నాయక్  స్పష్టం చేశారు. KMF ప్రధాన సరఫరాదారు కాదని, వరుసగా మూడవ స్థానంలో ఉందని, L1 మరియు L2 బిడ్డర్‌ల తర్వాతనే సరఫరా చేయాల్సి ఉంటుందని వివరించారు.
ప్రసిద్ధిచెందిన GI-ట్యాగ్ చేయబడిన లడ్డూలను తయారు చేయడానికి 1,400 టన్నుల నెయ్యిని సరఫరా చేయడానికి ప్రతి ఆరు నెలలకోసారి TTD టెండర్‌ను ఆహ్వానిస్తుంది, అందువల్ల డిమాండ్‌ను KMF మాత్రమే చెయ్యలేదు.

‘కేఎంఎఫ్ (KMF)2005 నుంచి 2020 వరకు తిరుపతికి నందిని నెయ్యి సరఫరా చేసింది… డిమాండ్‌లో 45 శాతం మాత్రమే మేం సరఫరా చేస్తాము.. 2020 నుంచి ఎల్‌3 సరఫరాదారులం.ఎల్1, ఎల్2 బిడ్డర్ల సరఫరా చేసిన తర్వాత మేము సరఫరా చేస్తాము. 2021లో 2022 లో TTD వారు సరఫరా కోసం లేఖ రాశారు, తదనుగూనంగా KMF 345 మెట్రిక్ టన్నుల నందిని నెయ్యిని సరఫరా చేసింది,” అని నాయక్ మీడియాకు తెలిపారు. కాబట్టి, తిరుపతి లడ్డు ఇప్పుడు మాత్రమే నందిని నెయ్యి  లేకుండా తయారవుతుందనే వాదన కూడా తప్పు.

Claim/వాదన: అసెంబ్లీ ఎన్నికల సమయంలో కాంగ్రెస్ పార్టీ నందిని అంశాన్ని రాజకీయం చేసి అమూల్‌పై దుష్ప్రచారం చేసి కర్ణాటకలో అధికారంలోకి వచ్చింది. ఇప్పుడు కాంగ్రెస్ ప్రభుత్వ హయాంలో నెయ్యి సరఫరా కోసం KMF బిడ్‌ను TTD తిరస్కరించింది.

నిర్ధారణ: KMF అంతకుముందు కూడా బిడ్‌ను కోల్పోయింది, తద్వారా నెయ్యి సరఫరా నిలిపివేయబడింది. 2023 మార్చిలో BJP అధికారంలో ఉన్నప్పుడు KMF అసలు వేలంపాటలో పాల్గొనలేదు.

Rating: Misrepresentation —

జపాన్ విదేశాంగ మంత్రి యోషిమాసా హయాషి RRR చిత్రంలో రామ్ చరణ్‌ గురించి మాట్లాడుతున్నారా? ANI వీడియో పైన Fact Check

Leave a reply

జపాన్ విదేశాంగ మంత్రి యోషిమాసా హయాషి మరియు భారత విదేశాంగ మంత్రి ఎస్. జైశంకర్ తెలుగుసినిమా ‘RRR’ పై అభిప్రాయాలను వ్యక్తం చేసిన చిన్న ANI వీడియో క్లిప్ Youtubeలో షేర్ చేయబడుతోంది.

ఇంటర్వ్యూలో, వార్తా సంస్థకు చెందిన ఇంటర్వ్యూయర్ (ఇంటర్వ్యూయర్ తన పేరు వెల్లడించలేదు)జపాన్ విదేశాంగ మంత్రికి RRR హీరో రామ్ చరణ్ పేరును సూచించి, మంత్రులిద్దరూ ఇంటర్వ్యూ పూర్తి చేసే ముందు సినిమా నుండి ఒక Dance step వేయాలని సూచించారు, దానికి జైశంకర్ వినయపూర్వకముగా , “లేదు, నేను డ్యాన్స్ చెయ్యను.” అని సమాధానమిచ్చారు.

(Film Rrr Song Naatu Naatu,जापानी विदेश मंत्री बोले- RRR फेवरेट फिल्म, जयशंकर ने कहा- नाटू नाटू पर नाचूंगा नहीं – japanese foreign minister said rrr favorite film jaishankar said i will not dance on natu natu) – https://t.co/yX7VHvE6x3 – #Ghaziabad365

— गाज़ियाबाद365 (@Ghaziabad365) July 29, 2023

వార్తా సంస్థలు ద్వారా అప్‌లోడ్ చేయబడిన వీడియో క్లిప్ ఇక్కడ ఉంది Zee News మరియు Ghaziabad365

FACT CHECK

భారతీయులందరికీ RRR చిత్రం గురించి సుపరిచితం, ఇందులో రామ్ చరణ్ మరియు జూనియర్ ఎన్‌టి రామారావు (జూనియర్ ఎన్‌టిఆర్‌గా ప్రసిద్ధి చెందారు) ఇద్దరూ నటించారు మరియు “నాటు, నాటు” పాట ఆస్కార్ గెల్చుకున్నందువలన ఈ సంభాషణ వీక్షకుల ఉత్సాహాన్ని మరింత పెంచింది.

జపాన్ మంత్రి హయాషి నటుడి యొక్క సరైన మరియు పూర్తి పేరుని గుర్తుకు తెచ్చుకోలేకపోయారు, కానీ స్పష్టంగా రావు అని చెప్పారు మరియు ఇంటర్వ్యూలో మళ్లీ జూనియర్ అని పునరావృతం చేశారు.హీరో తనలాగే కనిపిస్తాడనే విషయాన్ని మరింత విశదీకరించడం తెలుస్తుంది.కానీ ఇంటర్వ్యూ చేసిన వ్యక్తి రామ్ చరణ్ పేరును సూచిండతో, వీడియోలో సంభాషణ అలానే కొనసాగుతుంది.

ఇవి వాస్తవాలు:

ముందుగా, మంత్రి తనలా బొద్దుగా కనిపించే వ్యక్తిని ప్రస్తావించారు. ఇక్కడ జూనియర్ ఎన్టీఆర్ మరియు రామ్ చరణ్ ఇద్దరి పోలిక చూడండి.ఇద్దరి నటుల ఫోటోలను చూడండి.జూనియర్ ఎన్టీఆర్‌తో పోలిస్తే రామ్ చరణ్ సన్నగా ఉంటాడు.

రెండవది, మంత్రి రావును ప్రస్తావించి, మళ్లీ రావు జూనియర్ అని పునరావృతం చేశారు, ఈ రెండు సూచనలు ఆయన ఎన్టీఆర్‌ని ఉద్దేశించి చెబుతున్నట్లు సూచిస్తున్నాయి కాని రామ్ చరణ్‌ని కాదు.రామ్ చరణ్‌కి రావు ఇంటిపేరు లేదు. జూనియర్ ఎన్టీఆర్ పూర్తి పేరు నందమూరి తారక రామారావు, జూనియర్.

సినిమాలోను మరియు పాటలోను ఆయన ఎన్టీఆర్‌ని ఉద్దేశించి చెబుతున్నట్లు తెలుస్తున్నప్పటికి, ఇంటర్వ్యూయర్ రామ్ చరణ్ పేరును సూచించాడు.రామ్ చరణ్‌ని ఉద్దేశించి మాట్లాడుతున్నారెమో అన్న తప్పుడు అభిప్రాయంతో సంభాషణ కొనసాగుతుంది.కాని జపాన్ విదేశాంగ మంత్రి స్పష్టంగా Jr NTRన గురించి మాట్లాడుతున్నారన్నది నిజం.మరుసటి రోజు అనేక వార్తా సంస్థలు ఇదే విషయాన్ని నివేదించాయి.

Claim/వాదన: జపాన్ విదేశాంగ మంత్రి యోషిమాసా హయాషి తన ఇంటర్వ్యూలో RRR చిత్రం నుండి రామ్ చరణ్ పేరును ప్రస్తావించారు.
నిర్ధారణ: కాదు, మంత్రి తన ఇంటర్వ్యూలో RRR చిత్రంలోని మరొక నటుడైన Jr NTR గురించి ప్రస్తావించారని స్పష్టమవుతుంది.
Rating: Misleading —

 

 

ప్రధాన మంత్రి బేరోజ్‌గార్ భట్టా యోజన కింద నిరుద్యోగ యువతకు ప్రభుత్వం నెలకు రూ. 3,000 భృతిని అందజేయటంలేదు; Fact Check

2 Replies

ప్రధాన మంత్రి బేరోజ్‌గార్ భట్టా యోజన కింద నిరుద్యోగ యువతకు ప్రభుత్వం నెలకు రూ. 3,000 భృతిని అందజేస్తోందని పేర్కొంటూ సోషల్ మీడియా వాట్సాప్ సందేశాలలో మళ్లీ కనిపించింది, అయితే ఇలాంటి వాదనలు గతంలో చాలాసార్లు అసత్యం అని బహిర్గతం చేసాయి.

Pradhan Mantri Berojgari Bhatta Yojana 2022: Apply Online, Registration Form – Police Results https://t.co/gvGboyzKpb

— Sarkarii Result (@SarkariResultI2) September 23, 2022

ఈ వార్త/వాదన ఇక్కడ చూడగలరు here మరియు here.

FACT CHECK

ఈ విధమైన వాదన కొత్తది కాదు, గతంలో ఇదే విధమైన వాదన నెలకు రూ.6,000 భృతిని అందజేస్తోందని పేర్కొంటూ షేర్ చేయబడింది.
భారత ప్రభుత్వ అధికారిక వెబ్‌సైట్లలో వెతికితే, కేంద్ర ప్రభుత్వం అలాంటి పథకం ఏదీ ప్రకటించలేదని తేలింది.2022లో కేంద్రం యొక్క పిఐబి ఫ్యాక్ట్ చెకింగ్ యూనిట్ అటువంటి దావా/వాదనను తోసిపుచ్చింది.

एक वायरल #Whatsapp मैसेज में दावा किया जा रहा है कि प्रधानमंत्री बेरोजगारी भत्ता योजना के तहत सरकार बेरोजगार युवाओं को हर महीने ₹6,000 का भत्ता दे रही है। #PIBFactCheck

▶️यह मैसेज फर्जी है।

▶️भारत सरकार ऐसी कोई योजना नहीं चला रही।

▶️कृपया ऐसे मैसेज फॉरवर्ड ना करें। pic.twitter.com/XDUURi2ahH

— PIB Fact Check (@PIBFactCheck) December 19, 2022

ప్రధాన మంత్రి బేరోజ్‌గార్ భట్టా యోజన పేరుతో భారత ప్రభుత్వం ఏ పథకాన్ని అమలు చేయడం లేదు మరియు సోషల్ మీడియా ప్లాట్‌ఫారమ్‌లలో ఇచ్చిన అన్ని వెబ్‌సైట్ లింక్‌లు తీసివేయబడినట్లు లేదా తొలగించబడినట్లు నిరూపించబడ్డాయి.
భారతీయ సైబర్ క్రైమ్ కోఆర్డినేషన్ సెంటర్ కూడా ఇటువంటి సందేశాలు మోసపూరితమైనవని మరియు ప్రజలు వ్యక్తిగత సమాచారాన్ని పంచుకునేలా ప్రజలను మోసగించే లక్ష్యంతో ఉన్నాయని స్పష్టీకరణ ఇచ్చింది.

ప్రస్తుతానికి, ఛత్తీస్‌గఢ్ ప్రభుత్వం మాత్రమే బేరోజ్‌గార్ భట్టా యోజనను అమలు చేస్తోంది. కాంగ్రెస్ అధికారంలో ఉన్న హిమాచల్ ప్రదేశ్ మరియు కర్ణాటకలో ఇలాంటి పథకాలు కొనసాగుతున్నాయి లేదా పైప్‌లైన్‌లో ఉన్నాయి. అంతే కాని, ప్రధాన మంత్రి బేరోజ్‌గార్ భట్ట యోజన పథకం కింద కేంద్ర ప్రభుత్వం ఎలాంటి నిరుద్యోగ భృతిని అందించడం లేదు.

Claim/వాదన: ప్రధాన మంత్రి బేరోజ్‌గార్ భట్టా యోజన కింద నిరుద్యోగ యువతకు ప్రభుత్వం నెలకు రూ. 3,000 భృతిని అందజేస్తోంది.

నిర్ధారణ: యువతకు నిరుద్యోగ భృతిని అందించే ‘ప్రధాన మంత్రి బేరోజ్‌గార్ భట్టా యోజన’ పేరుతో భారత ప్రభుత్వం ఏ పథకాన్ని అమలు చేయడం లేదు.పిఐబి మరియు సైబర్ క్రైమ్ కోఆర్డినేషన్ సెంటర్ ఈ వార్తలలో నిజం లేదని ప్రకటించింది మరియు ప్రజలను ఈ పథకం పేరుతో మోసపూరిత వెబ్‌సైట్‌లను నిర్వహించడం గురించి హెచ్చరించింది. అందువల్ల, ఈ వాదన తప్పు.

Rating: Misleading —

2 దశాబ్దాల తర్వాత వినాయకుడి చిత్రంతో కూడిన చెప్పులు సోషల్ మీడియాలో షేర్ చేసారు; Fact Check

1 Reply

సోషల్ మీడియాలో వినాయకుడి చిత్రాలతో కూడిన ఒక జత చెప్పుల చిత్రాన్ని చూపిస్తూ, ఈ చెప్పులను రూపొందించిన కంపెనీ మూసివేయబడే వరకు పాఠకులను దినిని వ్యాప్తిచేయమని కోరుతూ ఒక వాదన షేర్ చేయబడుతోంది. ఇది జూన్ 12,2023న క్రింది విధంగా Facebookలో షేర్ చేయబడింది:

FACT CHECKరెండు దశాబ్దాల క్రితం ఇదే చిత్రం ప్రధాన వార్తల్లోకి వచ్చింది కాబట్టి, మేము దానిని తీసుకొని Google రివర్స్ ఇమేజ్ సెర్చ్‌లో
చిత్రాన్ని పరిశీలించినమీదట అది పాత చిత్రమని, దానినే మళ్ళీ సోషల్ మీడియాలో మళ్లీ ఉపయోగిస్తున్నట్లు కనుగొన్నాము.

తదుపరి వార్తల పరిశీలనమీదట,అప్పటికే ఈ చిత్రం మీద అమెరికన్ హిందువులు వ్యతిరేకిస్తునట్లు అనేక వార్తలు వేలువడ్డాయి. అమెరికన్ హిందువులు 2003 సంవత్సరంలో అమెరికన్ ఈగిల్ ఔట్‌ఫిట్టర్స్ (American Eagle Outfitters) అనే కంపెనీ ఫ్లిప్-ఫ్లాప్‌లలో(చెప్పులలో) గణేశుడిని ఉపయోగించడంపై పరువు నష్టం కేసు దాఖలు చేసింది.

యునైటెడ్ స్టేట్స్‌లోని హిందూ సంస్థల నుండి తీవ్ర వ్యతిరేకత రావడంతో, కంపెనీ వాటిని మార్కెట్ నుండి ఉపసంహరించుకుంది మరియు క్షమాపణలు చెప్పింది. అమెరికన్ ఈగిల్ అవుట్‌ఫిట్టర్స్(American Eagle Outfitters) యొక్క వైస్ ప్రెసిడెంట్ మరియు జనరల్ కౌన్సెల్ నీల్ బుల్మాన్ (Neil Bulman) జారీ చేసిన బహిరంగ క్షమాపణ క్రింద చూడవచ్చు.

ఈ సమస్య అనేక వార్తాపత్రికలలో విస్తృతంగా ప్రచురించబడింది.అయితే, 2015లో, ఈ చిత్రం మళ్లీ ట్విట్టర్‌లో క్రింది విధంగా షేర్ చేయబడింది:

@AEO you need to stop selling these flip flops. You have images of “HINDU GOD GANESHA”. pic.twitter.com/RWhYI5LZhu

— Big Bill (@BimalKatwala) June 8, 2015

ఇప్పుడు, రెండు దశాబ్దాల తరువాత, అదే చిత్రం హిందువుల మనోభావాలకు విరుద్ధమని తప్పుడు వాదనతో షేర్ చేయబడుతోంది. కాని ఈ సమస్య 2003కి సంబంధించినది మరియు ఇప్పటికే పరిష్కరించబడింది. కాబట్టి, కొత్త వాదన తప్పు. కించపరుస్తున్నదని

Claim/వాదన: A picture of sandals printed with Lord Ganesha’s images is being shared seeking closure of the company.
కంపెనీని మూసివేయాలని కోరుతూ గణేశుడి చిత్రాలతో ముద్రించిన చెప్పుల చిత్రం షేర్ చేయబడుతోంది.

నిర్ధారణ:ఈ సమస్య రెండు దశాబ్దాల నాటిది.యునైటెడ్ స్టేట్స్‌లోని హిందూ సంస్థల నుండి తీవ్ర వ్యతిరేకత రావడంతో, కంపెనీ ఈ చెప్పులను మార్కెట్ నుండి ఉపసంహరించుకుంది మరియు క్షమాపణలు చెప్పింది.

Rating: Misrepresentation —

 

 

మణిపూర్‌లోని పురాతనమైన ఈ చర్చిని బిజెపి మద్దతుదారులు తగులబెట్టారా? నిజమేంటి?

Leave a reply

వాదన/Claim:మణిపూర్‌ హింసాకాండలో సెయింట్ జోసెఫ్ చర్చికి బిజెపి కార్యకర్తలు నిప్పంటించారని ఒక వీడియో వైరల్ అయింది.

నిర్ధారణ/Conclusion:తప్పు వాదన. ఫ్రెంచ్ చర్చి దహనం చూపుతున్న వీడియో మణిపూర్‌లో జరిగిన సంఘటనగా ప్రచారం చేయబడింది.

రేటింగ్: పూర్తిగా తప్పు నిరూపణ —

Fact Check వివరాలు:

మణిపూర్‌లో హింసాత్మక సంఘటనలు ముఖ్యాంశాలు అవుతున్న నేపథ్యంలో, మణిపూర్‌లోని చర్చిని బిజెపి మద్దతుదారులే తగులబెట్టారనే వాదనతో చర్చిని తగలబెట్టే ఒక వీడియో వైరల్ అవుతోంది.హిందీలో క్యాప్షన్ ఇలా ఉంది: #मणिपुर सुग्नू इंफाल नही थम रही हिंसा आगजनी भाजपा समर्थक उग्रवादियो ने 300 साल से ज्यादा पुरानी St. Joseph’s चर्च जलाई 74 दिनो से मणिपुर जल रहा है [అనువాదం:  “మణిపూర్- ఇంఫాల్ హింస ఆగటం లేదు. 300 ఏళ్ల నాటి సెయింట్ జోసెఫ్ చర్చిని బీజేపీ కార్యకర్తలు తగులబెట్టారు. మణిపూర్ 74 రోజులుగా మండుతోంది.]

ఇది ఇక్కడ మరియు ఇక్కడ షేర్ చేయబడింది.

మణిపూర్ యొక్క జాతి రూపురేఖలు రాష్ట్రంలో రెచ్చిపోతున్న హింస గురించి తెలుపుతుంది.మణిపురిలలో సగం మంది హిందువులైన మెయిటీస్, కుకీలు మరియు నాగాలు మిగిలిన జనాభాలో 90 శాతం ఉన్నారు మరియు వారు క్రైస్తవులు. మిగిలిన 10 శాతం జనాభా ముస్లింలు లేదా ఇతర మతాలను అనుసరిస్తున్నారు.

మే 3, 2023న ప్రారంభమైన జాతి హింస ఇప్పటివరకు 140 మంది మరణానికి దారి తీసింది. ఈ నేప‌థ్యంలో, రాష్ట్రంలోని ప్ర‌జ‌ల మ‌ధ్య మ‌రింత మతపరమైన హింసను రేపేందుకు చ‌ర్చి దహనం అయిన వీడియోను షేర్ చేయబడుతోంది.

వాస్తవం ఏంటి?

Digiteye India బృందం వారు చర్చ్‌ను కాల్చేస్తున్న వీడియోలోని కొన్ని ఫ్రేమ్‌లు తీసుకొని పరిశీలించగా, అది మార్నేలోని ‘L’église Notre-Dame-de Drosnay‘చర్చి అగ్నికి ఆహుతై కుప్పకూలిన చారిత్రాత్మక చర్చి యొక్క విజువల్స్కు కు అని తెలిసింది.మంటల్లో కాలిపోయిన 16వ శతాబ్దపు ఫ్రెంచ్ చర్చి వీడియో నుండి 25 సెకన్ల క్లిప్‌ను ఉపయోగించి, మణిపూర్‌ రాష్ట్రంలోని మెజారిటీ కమ్యూనిటీలు చర్చికి నిప్పంటించారని ఒక దావా/వాదన పేర్కొంది.

https://telugu.digiteye.in/wp-content/uploads/2023/07/church-original-1.mp4?_=1

 

జూలై 7, 2023న అగ్నికి ఆహుతైన ఫ్రెంచ్ చర్చి యొక్క అసలైన వీడియోను చూడండి. మార్నే ప్రిఫెక్చర్ పత్రికా ప్రకటన ప్రకారం, అగ్నిప్రమాదానికి గల కారణాలపై విచారణ జరుగుతోంది మరియు దానికి సంబంధించిన సాక్ష్యాలను సేకరించడం జరుగుతోంది.పారిస్‌లోని లౌవ్రే మ్యూజియంలోని(Louvre Museum) క్యూరేటర్ నికోలస్ మిలోవనోవిక్ కూడా అగ్నిప్రమాదం “కోలుకోలేని నష్టం” అంటూ విచారం వ్యక్తం చేస్తూ ట్వీట్ చేసారు.ఈ సంఘటన ఇక్కడ మరియు ఇక్కడ ప్రధాన వార్తా సంస్థల్లో కూడా నివేదించబడింది.

మరి కొన్ని Fact Checks:

రాహుల్ గాంధీ 2024 సార్వత్రిక ఎన్నికల్లో ఉచిత మొబైల్ రీఛార్జ్‌ను ప్రకటించారా? వాస్తవ పరిశీలన

హమాస్ ఇజ్రాయెల్ ట్యాంకులను స్వాధీనం చేసుకుని వాటిపై పాలస్తీనా జెండాలను ఎగురవేయడం వీడియోలో కనిపిస్తుంది; Fact Check

హిమాలయాల్లో ప్రతి 400 సంవత్సరాలకు ఒకసారి వికసించే మహామేరు పుష్పమా ఇది? Fact Check

Leave a reply

క్యాబేజీని పోలిన ఆకులతో కూడిన పెద్ద పసుపు పువ్వు ఫోటో సోషల్ మీడియాలో వైరల్ అవుతోంది. చిత్రంతో పాటుగా ఉన్న శీర్షిక “టిబెట్ యొక్క ప్రత్యేకమైన ‘పగోడా ఫ్లవర్’ శుభప్రదమైనది.

హిమాలయాల్లో ప్రతి 400 సంవత్సరాలకు ఒకసారి వికసించే మహామేరు పుష్పం ఇది. ఫోటోల్లో కూడా మన తరం చూసే అదృష్టం ఉంది. దయచేసి ఇతరులు చూడగలిగేలా షేర్ చేయండి. జీవితాంతం శుభాకాంక్షలు! ”

పువ్వును చూడటం అదృష్టం తెస్తుంది అని వినియోగదారులు పేర్కొనడంతో ఈ చిత్రాలు వైరల్‌గా మారాయి.

Fact Check:

సోషల్ మీడియాలో ఒక సాధారణ తనిఖీ చిత్రం 2019 నుండి చెలామణిలో ఉందని చూపింది. ఇది కాకుండా, ఇతర పువ్వుల చిత్రాలు కూడా అదే శీర్షికతో భాగస్వామ్యం చేయబడ్డాయి. డిజిట్ ఐ ఇండియా తన వాట్సాప్ ఫాక్ట్-చెకింగ్ నంబర్‌లో వాస్తవ తనిఖీ కోసం ఈ చిత్రాన్ని పెట్టారు.

మేము ప్లాంట్ నెట్‌ వెబ్‌సైట్‌లో రివర్స్ ఇమేజ్ శోధన చేసాము. ఈ వెబ్‌సైట్‌లో వినియోగదారులు మొక్కల చిత్రాలను అప్‌లోడ్ చేయవచ్చు మరియు దాని శాస్త్రీయ నామాన్ని కనుగొనవచ్చు. మా పరిశోధనల ప్రకారం మొక్క పేరు Rheum nobile అని చూపించింది.

సిక్కిం రబర్బ్ అని కూడా పిలువబడే రుయం నోబిల్, రెండు మీటర్ల ఎత్తు వరకు పెరిగే శాశ్వత మొక్క. ఇది జూలై మరియు ఆగస్టు మధ్య పుష్పిస్తుంది, అయితే దాని విత్తనాలు ఆగస్టు నుండి సెప్టెంబర్ వరకు నాటవచ్చు. ఇది హిమాలయాలకు చెందినది మరియు సిక్కిం, భూటాన్ మరియు టిబెట్ వంటి ఆల్పైన్ ప్రాంతాలలో కనిపిస్తుంది.

అయితే, పగోడా ఫ్లవర్ అని పిలువబడే ఒక పువ్వు ఉంది కానీ పైన చూపిన విధంగా ఎరుపు రంగులో ఉంటుంది. ఇది సాధారణంగా ఉష్ణమండల ఆసియాలో కనిపిస్తుంది. ఫ్లోరిడా మ్యూజియం ప్రకారం, శాస్త్రీయంగా Clerodendrum paniculatum అని పెర్కొంటారు. ఇది 6 అడుగుల లేదా అంతకంటే ఎక్కువ పొడవు పెరుగుతుంది.

Flowers of India వెబ్‌సైట్‌ ప్రకారం, ఈ పువ్వు “పిరమిడ్ ఆకారపు క్లస్టర్‌లో జపనీస్ పగోడా విధంగా అంచలంచెలుగా ఉన్నందున ఆ పేరు పెట్టారు. ఒక్కో పువ్వు కేవలం 0.5-అంగుళాల పొడవు మాత్రమే ఉన్నప్పటికీ, అవి కొమ్మల చివర 1 అడుగుల లేదా అంతకంటే ఎక్కువ ఎత్తులో భారీ పానికిల్స్‌లో అమర్చబడి ఉంటాయి. ఇది శాశ్వత పుష్పం.

అదేవిధంగా, చెలామణిలో ఉన్న తెల్లని పువ్వు దాని చిగురించే దశలో ఉన్న కింగ్ ప్రొటీయా (King Protea) పువ్వు యొక్క చిత్రం. ప్రొటీయా సైనరాయిడ్స్ (Protea cynaroides) అని కూడా పిలుస్తారు, ఇది దక్షిణాఫ్రికా జాతీయ పుష్పం. అరుదుగా కొమ్మలుగా ఉండే సతత హరిత పొదగా, ఇది ఒక సీజన్‌లో ఆరు నుండి పది పువ్వులను ఇస్తుందని గార్డెనియా చెబుతుంది.

వాదన: టిబెట్ యొక్క ప్రత్యేకమైన ‘పగోడా ఫ్లవర్’ శుభప్రదమైనది. హిమాలయాల్లో ప్రతి 400 సంవత్సరాలకు ఒకసారి వికసించే మహామేరు పుష్పం ఇది.

నిర్ధారణ: కార్ప్స్ ప్లాంట్ అని కూడా పిలువబడే అమోర్ఫోఫాలస్ టైటానియం పుష్పించడానికి దాదాపు 40 సంవత్సరాలు పడుతుంది. అందుకే పగోడా పువ్వు 400 సంవత్సరాలకు ఒకసారి మాత్రమే వికసిస్తుందనే వాదన నిజం కాదు.

మా రేటింగ్ – తప్పుడు వివరణ.

శానిటైజర్ వాడటం వలన చేతులు కాలి గాయలవుతాయ? Fact check

3 Replies

ఆల్కహాల్ కలిగి ఉన్నహ్యాండ్ శానిటైజర్‌లను చేతులకు రాసుకుని తర్వాత నిప్పు లేదా స్టవ్ దగ్గరికి వెళ్లవద్దని సూచిస్తూ సోషల్ మీడియాలో ఒక వైరల్ సందేశం కనిపించింది.
హిందీలో సందేశం ఇలా ఉంది: “ఒక మహిళ శానిటైజర్ చేతులకు రాసుకుని వంట చేయడానికి వంటగదికి వెళ్లింది. ఆమె స్టవ్ ఆన్ చేసిన క్షణంలో, శానిటైజర్‌లో ఆల్కహాల్ ఉండటంతో ఆమె చేతులకు మంటలు అంటుకున్నాయి.”

ఒక మహిళ తీవ్రంగా కాలిపోయిన చేతులను చూపుతున్న చిత్రం షేర్ చేస్తు “దయచేసి ఆల్కహాల్ కలిగి ఉన్న హ్యాండ్ శానిటైజర్‌లను చేతికి రాసుకున్న తర్వాత స్టవ్/ఫైర్ దగ్గరికి వెళ్లవద్దు.”అని సందేశం/message పెట్టరు.

వైరల్ అవుతున్న చిత్రం శానిటైజర్‌ వల్ల కాలిన చిత్రం కాదు. అది వేరొక చిత్రం.
‘Google రివర్స్ ఇమేజ్’ఉపయోగించి పరిశీలించినప్పుడు, ఇది స్కిన్ గ్రాఫ్ట్‌ల(skin grafts) కోసం తీసిన బాధితుడి యొక్క చేతుల చిత్రం.ఒకవేళ చేతులు నిజంగా కాలితే, అంచులు అంత స్పష్టంగా(ఎవరో కట్ చేసినట్టు) కనపడవు. స్కిన్ గ్రాఫ్టింగ్(skin grafting) ప్రక్రియాలో, వైద్యులు శరీరంలోని ఒక భాగం నుండి చర్మాన్ని తీసివేసి, మరొక భాగంలో మార్పిడి చేస్తారు.

అందువల్ల, వైరల్ అవుతున్న చిత్రం హ్యాండ్ శానిటైజర్‌ను చేతికి రాసుకున్న వెంటనే నిప్పు వెలిగించేటప్పుడు చేతులకు మంటలు అంటుకున్న మహిళది కాదని స్పష్టమైంది.

శానిటైజర్‌ల గురించి తెలుసుకుందాము.  ఆల్కహాల్ కంటెంట్ శానిటైజర్‌ ద్రవంలో కేవలం ఒక మిల్లీలీటర్ (అనుమతించబడిన మోతదు) మాత్రమే ఉంటుంది,ఇది చేతులకు రాసుకున్న 10 సెకన్లలో ఆవిరైపోతుంది.
నాణ్యమైన శానిటైజర్‌ని రాసుకుంటే ఎటువంటి మంటను కలిగించదు, ఎందుకంటె రాసుకున్న సెకన్లలో అది ఆవిరైపోతుంది.

అయినప్పటికీ, కొన్ని ఇంట్లో తయారుచేసిన శానిటైజర్లు అగ్నికి కారణమైన సంఘటనల కొన్ని వెలుగులోకి వచ్చాయి.న్యూజెర్సీలోని ఒక బాలుడు స్థానిక 7-ఎలెవెన్ స్టోర్ యజమాని తయారు చేసిన స్ప్రే శానిటైజర్‌ను ఉపయోగించి కాలిన గాయాలకు గురైన సంఘటన జరిగింది. స్టోర్ యజమాని (శానిటోజర్ తయారీలో పూర్తి పరిజ్ఞానం లేకుండా)అందుబాటులో ఉన్న ఫోమింగ్ శానిటైజర్‌లో నీటిని కలిపి తయారుచేశాడు. పోలీసులు అతన్ని అదుపులోకి తీసుకునే ముందే అప్పటికే స్టోర్‌లో 14 స్ప్రే బాటిళ్లను విక్రయించినట్లు సమాచారం.

Claim/వాదన: శానిటైజర్ వాడటం వలన చేతులు కాలి గాయలవుతాయ? Fact check
నిర్ధారణ: నాణ్యమైన శానిటైజర్‌ని రాసుకుంటే ఎటువంటి మంట కలిగించదు, ఎందుకంటె రాసుకున్న సెకన్లలో అది ఆవిరైపోతుంది.
Rating Misrepresentation:

ఇది కూడా చూడండి:Rs.2000 note banned from Dec 31? Fact check?




					

		
		
	

							
	

				

			
						

				భారత ఫుట్బాల్ జట్టు 1948 ఒలంపిక్స్ లోబూట్లు లేకుండా ఆడవలసి వచ్చిందా? అసలు నిజం ఏమిటి?
			

										

					Leave a reply				

					


				

			

1948 ఒలింపిక్స్లో యొక్క ఉత్సుకతతో అప్పుడు ఉన్న ఆర్థిక పరిస్థితుల కారణంగా భారత జాతీయ ఫుట్బాల్ జట్టు బూట్లు లేకుండా ఆడారని చాలా కాలం వదంతులు వచ్చాయి. కానీ వాస్తవానికి భారత ఫుట్బాల్ ఆటగాళ్ళు ఆ విధంగా బూట్లు లేకుండా ఆడటానికి ఇష్టపడ్డారు. వారు బృందం ఫోటోలో బూట్లు ధరించి కనిపించారు, కాని తరచూ పుకార్లు నెహ్రూ ప్రభుత్వం బూట్లు కొనడానికి ఏమాత్రం శ్రద్ధ చూపించలేదు అని ఆరోపణలు చేశాయి.


దాదాపు 70 సంవత్సరాల తరువాత, ఈ సుదీర్ఘ చర్చా విషయం మరోసారి సోషల్ మీడియా దృష్టిని సంపాదించింది, సోషల్ తమాషా వారి పేజీలో ఈ విషయం గురించి 70,000 కంటే ఎక్కువ మందిస్పందించారు.




ఇండియన్ నేషనల్ ఫుట్ బాల్ జట్టు మైదానంలో ఆడటానికి బూట్లు కనుగొనడం కష్టంగా ఉన్నప్పుడు జవహర్ లాల్ నెహ్రూ తన పెంపుడు కుక్కతో ప్రయాణించారని సోషల్ తమాషా పోస్ట్ పేర్కొంది. ఈ పోస్ట్ సోషల్ మీడియా లో వెంటనే వైరల్ అయింది, ఇది ఫేస్బుక్లో 1800 కంటే ఎక్కువ షేర్లను పొందింది. ఈ చిత్రాలు నిజమా?


సోషల్ తమాషాతో పాటు భారత కెప్టెన్ తలిమెరెన్ అయోతో పాటు ఫ్రెంచ్ కెప్టెన్తో చేతులు కలిపిన చిత్రాలు, జవహర్ లాల్ నెహ్రూ యొక్క విమానం నుంచి బయటకు రావడంతో వాస్తవమైనవి. గూగుల్ రివర్స్ ఇమేజ్ సెర్చ్లో ఈ చిత్రాల కోసం చూస్తున్నప్పుడు, తలిమెరెన్ అయో యొక్క చిత్రం ఫ్రంట్లైన్ వెబ్ సైట్ లో కనుగొనబడింది, అయితే జవహర్ లాల్ నెహ్రూ చిత్రం టైమ్స్ కంటెంట్ వెబ్సైట్లో ఉన్నది.


 




భారతీయ ఆటగాళ్లు బూట్లు పొందలేకపోయారా?


మే 07, 1948 న ఇండియన్ ఎక్స్ప్రెస్ ప్రచురించిన నివేదిక భారత జట్టు ఆడిన ట్రయల్ మ్యాచ్ల గురించి వివరించింది. “భారీ షవర్ తర్వాత మైదానం కారణంగా ఆటగాళ్ళు బూట్లు వదిలి ఆట ఆడారని” రాసింది. ఈ వార్తా నివేదిక స్పష్టంగా 1948 లో భారతీయ ఫుట్బాల్ జట్టు బూట్లను పొందిందని సూచిస్తుంది.
కాబట్టి, 1948 ఒలంపిక్స్లో బూట్ లేకుండానే భారతీయ ఫుట్బాల్ జట్టు ఎలా ఆడింది? ప్రజాదరణ పొందిన క్రీడల పాత్రికేయుడు జాన్ కేమ్కిన్ రాసిన నివేదిక ప్రకారం, భారతీయుల జట్టుతో బూట్లు వేసుకుని ఆడటం అసాధ్యమని, భారతదేశం వాటిని ధరించకుండా నిషేధించింది.


Here we can see them wearing shoes. Source: thehardtackle


 


ఇక్కడ బూట్లు ధరించిఫోటో దిగిన ఫుట్బాల్ జట్టు చూడగలరు. భారతీయ ఫుట్బాల్ జట్టు వాస్తవానికి బూట్లు లేకుండా ఆడటానికి ఇష్టపడింది. ‘సోషల్తమాషా ‘ ద్వారా  ప్రచారం చేయబడిన ఇటీవలి చిత్రం, సాధారణ ప్రజల ముందు నెహ్రూ మీద దుష్ప్రచారం చేయడానికి ఉద్దేశించినది అని రాజకీయ నిపుణులు నమ్ముతున్నారు.

					

		
		
	

							
	

				

			
						

				ప్రకాష్ రాజ్ అసలు పేరు ప్రకాష్ ఆల్బర్ట్ రాజ్ అని ఆరోపించారు; నిజం ఏమిటి?
			

										

					Leave a reply				

					


				

			

ప్రధాని నరేంద్రమోడీ, ఆర్ఎస్ఎస్ విమర్శకుల్లో ఒకరైన ప్రకాష్ రాజ్, గత కొన్ని సంవత్సరాలుగా సోషల్ మీడియా పై విపరీతమైన ద్వేషపూరిత ప్రచారాన్ని ఎదుర్కొంటున్నారు. ఇప్పుడు, ఫేస్బుక్ లో ఒక పోస్ట్ ఈ నటుడి యొక్క అసలు పేరు ‘ప్రకాష్ ఆల్బర్ట్ రాజ్’ అని పేర్కొంది. ఇతర సోషల్ మీడియా యూజర్లు తన అసలు పేరు ‘ప్రకాష్ ఎడ్వర్డ్ రాయ్’ (RAI) అని ఆరోపించారు. తన పేరును ప్రకాష్ రాజ్ గా మార్చుకున్నాడని, తన అసలు పేరుని ఎందుకు ఉపయోగించకూడదు అని ప్రశ్నించారు.


పోస్ట్ కార్డ్ న్యూస్ ఈ సందర్భంలో ప్రకాష్ రాజ్ యొక్క అసలైన పేరు ప్రకాష్ ఎడ్వర్డ్ రాయ్ అని ఆరోపించి, ప్రకాష్ రాజ్ క్రిస్టియన్ మిషనరీలతో కలిసి దేశంలో హిందువులకు వ్యతిరేకంగా పనిచేస్తున్నారని పేర్కొంది. ఇంకొకరు తన అసలు పేరు ప్రకాష్ ఎడ్వర్డ్ రాయ్ అని పేర్కొంది. కాబట్టి ప్రకాష్ రాజ్ రియల్ పేరు ఏమిటి? ప్రకాష్ ఎడ్వర్డ్ రాయ్? లేదా ప్రకాష్ ఆల్బర్ట్ రాజ్?




 






మా రీసర్చ్ లో ప్రకాష్ రాజ్ మార్చి 26, 1965 న, మధ్యతరగతి కుటుంబంలో బెంగళూరులో జన్మించారు. అతని తండ్రి పేరు మన్జునాథ్ రాయ్, అతని తల్లి పేరు స్వర్ణలత. ప్రకాష్ రాజ్ ప్రారంభంలో తన తల్లిదండ్రులచే ప్రకాష్ రాయ్ గా పిలువబడ్డాడు. ప్రముఖ తమిళ దర్శకుడు కె.బాలచందర్ అతనిని ఇంట్రడ్యూస్ చేసిన పిక్చర్లో ప్రకాష్ రాజు గా మార్చాడు అని ప్రకాష్ రాజ్ తనే స్వయంగా న్యూ ఇండియన్ ఎక్స్ ప్రెస్ కు ఇచ్చిన ఒక ఇంటర్వ్యూలో పేర్కొన్నారు.


ఈ తమిళ చిత్రం 1994లో విడుదల అయింది దాని పేరు ‘డ్యూయెట్’. కె.బాలచందర్ దర్శకత్వం వహించాడు. ఆ సమయంలో, తమిళనాడు మరియు కర్నాటక మధ్య కావేరి నీటి సమస్యపై ఉద్రిక్తత అధికంగా ఉండింది. ప్రకాష్ యొక్క ఇంటిపేరు ‘రాయ్’ కన్నడ పేరని ఈజీగా తెలిసిపోతుందని, బాలాచందర్ దానిని రాజ్ కు మార్చాలని నిర్ణయించుకున్నాడు. దానికి ప్రకాష్ అంగీకరించాడు.


“బాలచందర్ నా మతం లేదా నా రాష్ట్రాన్ని ఎప్పుడూ చూడలేదు, అతను తన కథలను చెప్పే వ్యక్తిని కోరుకున్నాడు,” అని ప్రకాష్ రాజ్ స్వయంగా చెప్పారు. మరి ఇందులో ప్రాబ్లమ్ ఏంటి? ఎందుకు దీన్ని పెద్ద సమస్యగా పరిగణిస్తున్నారు? ప్రకాష్ రాజ్ ప్రధానమంత్రి నరేంద్ర మోడీని విమర్శిస్తూ యువతకు ఉద్యోగాలు కల్పించాల్సింది పోయి రూ. 3,000 కోట్లు పెట్టి పటేల్ విగ్రహం కట్టించడం తప్పని పలుచోట్ల పేర్కొన్నారు. దీనికి ఈ విధంగా ప్రకాష్ రాజ్ అనుచితంగా విమర్శించడం జరిగింది. ఇది ఫేక్ న్యూస్.



					

		
		
	

							
	

				

			
						

				వీడియో ఎడిట్ చేసి, మోడి ప్రజల కష్టాలను హాస్యాస్పదంగా తీసుకున్నాడని ఆరోపించడం జరిగింది
			

										

					Leave a reply				

					


				

			

ప్రధానమంత్రి నరేంద్రమోడీ జపాన్లో భారత కమ్యూనిటీ సభ్యులను ఉద్దేశించి మాట్లాడిన ఒక పాత వీడియో కొన్ని భాగాలు కత్తిరించి మోడీ ప్రజల కష్టాలను హాస్యాస్పదంగా తీసుకున్నాడని ఈ వీడియో ద్వారా పట్టించడానికి తప్పుదోవ పట్టించడానికి జరిగింది.


నవంబరు 8, 2016 మోడీ ప్రభుత్వం రూ .500 మరియు 1000 రూపాయల నోట్లు నిలిపివేయాలని ప్రకటించిన వెంటనే గందరగోళానికి గురయ్యింది. 2016 నవంబర్ 12 న జపాన్ దేశంలో పర్యటన సందర్భంగా భారత కమ్యూనిటీ సభ్యులను ఉద్దేశించి చేసిన ప్రసంగం యొక్క భాగాలు మోడీ ప్రజలు ఎదుర్కొన్న కష్టాలను గురించి హాస్యమాడుతున్నాయని తెలిపే విధంగా చిత్రీకరించడం చేయబడింది.




జపాన్ లో మాట్లాడిన వీడియో 32 నిమిషాలు వ్యవధి అయితే  దానిని ఎడిట్ చేసి ఒక్క నిమిషంలో మోడీ మాట్లాడిన మాటలు జతచేర్చి, మోడీ ప్రజల కష్టాలను హాస్యాస్పదంగా తీసుకున్నాడని ఆరోపణ చేశారు ట్విటర్ యూజర్ @ కిలాఫెట్. 39-సెకండ్ వీడియోతో @ కిలాఫెట్ ఇలా ట్వీట్ చేశాడు: “ఇది సాధారణ వ్యక్తి కాదా? ఒక ప్రధాని ఎలా ప్రవర్తించాలి?… బిజెపికి ఓటు వేయవద్దు. #BJPKiVoteBandiడిక్లేర్ చేద్దాం.”


ఈ పోస్ట్ 200 కంటే ఎక్కువ retweets చేయబడింది మరియు 300 మంది ఇష్టపడ్డారు. @ కిలాఫెట్ యొక్క బయో అతను కాంగ్రెస్ మద్దతు దారుడు అని తెలుపుతోంది. ఒక పాత వీడియో తప్పుదోవ పట్టించే విధంగా వినియోగించడం జరిగింది. కానీ ఒరిజినల్ వీడియో ప్రకారము మోడీ  demonetisation హాస్యాస్పదంగా చేయడం జరగలేదు. ప్రజలు పడ్డ కష్టాలన్ని వర్ణించి వారికి అభివాదం చేయడం జరిగింది. కానీ ఆ విషయాన్నిదాచి పెట్టి కొత్త వీడియో సృష్టించి ప్రజలను తప్పుదోవ పట్టడం జరిగింది.




ఈ పోస్ట్ను 2018 ఆగస్టు 30 న తన వీడియోతో share చేసాడు. ట్విట్టర్, ఫేస్బుక్ పోస్టులపై వ్యాఖ్యానిస్తూ చాలామంది మోడీతో నిరాశకు గురవుతున్నారుఅని ఆరోపణ చేశారు. కానీ ఒరిజినల్ వీడియో ప్రకారము మోడీ  demonetisation హాస్యాస్పదంగా చేయడం జరగలేదు.